Agurra

2015-05-25

 

 Ongi etorri ikasle, langile eta guraso guztiak OLAZABAL IKASTETXEKO EUSKARAREN TXOKORA

Euskararen inguruko kontuak aurkituko dituzue gune honetan. Besteak beste: berriak, bideoak, poemak, etab.

2015-06-16 Ekainaren 20ean Hezi + Ikaskuntza Jaialdia ospatuko da Donostiako Boulevardean. Era askotariko eta adin guztietarako tailerrak egongo dira, herritarrek ikaskuntzaz gozatu dezaten kalean.Uste dugu haur eta gurasoentzako interesgarria izan daitekeela. Programa.

2015-05-25 Aurkezle bila dabiltza GETB, bideojokoetan espezializatutako web telebista osatzeko.

Euskal bideojoko zaleen komunitatea hazteko asmoarekin proiektu berriak aurrera bultzatzeko gogoz ari dira lanean. Hauetako proiektu bat, Game Erauntsi TB (GETB) izango da eta hor jokuen albisteak zein iritziak aurkitu ahal izango dituzue eta gainera, Euskal Herriko joku jaialdietara hurbilduko da bere ikus-entzun taldearekin, erreportaiak egin eta gero YouTubeko kanalera igotzeko. Laburrean esanda, Interneten garatuko den web telebista berria izango da!

Aurkezle izateko baldintzak oso gutxi dira:

  • 18 urte baino gehiago izatea (Adin gabekoak beraien gurasoen baimena behar izango dute)
  • Euskara maila ona izatea
  • Bideojokoei buruzko ezagutza pixka bat
  • Kameraren aurrean ongi moldatzea, grazia izatea
  • Euskal Herri osoan zehar joku jaialdietatik jaialdietara bidaiatzeko prest egotea
  • Eta garrantzitsuena… gogoa eta ilusioa izatea

Aurkezleak, gainerako lantaldeak bezala gutxieneko betebehar hauek hartu beharko ditu:

  • Lan-taldeak adostutako jaialdi eta grabaketa egunetara joatea (garraio publikoa edo autoa erabili beharko du)

Osorik irakurtzeko: http://sustatu.eus/gamerauntsia/1432298157

2015-05-13 Museoen eguna URRELURREN Hurbildu ostiralean Iparragirre plazako karpara eta ondo pasatzeaz gain pilo bat ikasiko duzu! Gainera agata baten zozketan sartuko zara!  Museoen eguna Urrelurren

2015-05-07  Zestoan larunbatean, maiatzak 7, Euskararen Jatorriaren Biltzarra. 1-Euskararen_Jatorriaren_10_Biltzarra

2015-04-28 Hizkuntza eskubideak: Garitanori gertatutakoa eta Guardiolaren ‘seny’a Gaizka Garitanori (Eibar futbol Taldearen entrenatzaileari) igandean Almerian gertatutakoaren berri, segur aski, izango duzue; oihartzun handia izan baitu era askotako hedabideetan (baita The Guardian-en ere) Horren harira egindako adierazpenen artean Pep Guardiolak esandakoak azpimarratu nahiko nituzke, seny handia islatzen dutela iruditzen baitzait: “Goiz edo berandu lortuko dugu mundu guztiak ulertzea mundu guztian hitz egin daitezkeela dauden mila hizkuntzetan”. …“katalanez hitz egiteko eskubidea dugu, ez hizkuntza ko-ofiziala delako, hizkuntza delako baizik” Adierazpenak, katalanez, euskarazko azpi-tituluekin argiak YouTuben duen kanalean dituzue:https://www.youtube.com/watch?v=vwoqJZDxbHU

2015-04-24 GAZTE GOZATOPE ,  maiatzaren 8 eta 9an, Gasteizko Oihanederren gazte topaketa. Egitraua: GAZTEGOZATOPE

2015-04-24 Euskaraz hezi? Bai horixe!  Lorea Agirreren hitzaldia apirilak 29an Zelai Aristu Kultur Etxean. Lorea Agirreren hitzaldia

2015-04-20 Haurren Eskubideei Buruzko Hitzarmenaren XXV. Urteurrena  Hona hemen Etxadik, Familia-Psikologia Unibertsitate-Zentroak prestatutakoa Haurren Eskubideei Buruzko Hitzarmenaren XXV. Urteurrena dela eta.

2015-03-25 Korrika 19 Legazpin: Olazabal Ikastetxeko ikasleak eta irakasleak Korrikan izan ziren, goizeko 5:30 inguruan, euria, elurra eta guzti!!!

korrika 2015Gorriz, Jone Narbaiza eta Lierni Ugarte, Olazabal Institutuko lekukoak

2015-03-11 Gazte Hizkera: adarra jotzeko, ligatzeko, haserretzeko eta beste zenbait gauzatarako lexikoa Aisia.net-en Urte asko dira Ttakun Kultur Elkarteak eta Urtxintxa Aisialdiko Hezitzaileen Eskolak elkarlanean ‘Lagunarteko Hizkerarekin Jolasean ‘ tailerra BHko ikasleei eskaintzen hasi zirela (informazio gehiago hemen, hemen eta hemen), Nafarroan hasieran eta gero EAEn ere.  Ikasleentzako ikastaro izan zenak irakasleentzako ikastaroari ere bide eman zion: Lagunarteko hizkerari buruzko ikastaroa Bada ikastaro horietan baliatu ohi dituzten hitz eta terminoen zerrendak eskura ditugu eskura urtxintxa.eus webgunean: http://www.urtxintxa.eus/jolasguneak/gazte-hizkera/ Adibide batzuk:

Burua nahastuta eduki, ero samarra egon

  • BURUKO PAPATA-PUREA
  • BURUTIK EGINDA EGON
  • GANBARATIK JOTA EGON
  • OSO BETEA EZ IZAN
  • PITZATUTA EGON
  • SEKO JOTA EGON
  • TTANTTA FALTA IZAN

Segi aurrera, animu!

  • ANIMO JERONIMO!
  • AUPA EKIPO!
  • AUPA MUTILAK!/NESKAK!
  • EMAN EGURRA!
  • EUTSI GOGOR!
  • EUTSI GOIARI!
  • GORA ZU!
  • HELDU GOIARI!
  • HORI DUK/N ETA!
  • JO TA KE!
  • SEGI HORRETAN!

Lexiko zerrenda hauetaz gain, gaiari buruzko bi argitalpen ere ba dituzte (salgai):

2015-03-04 Ikasleei gerrako kontuak ezagutarazteko bideoak Gerra ikasgelan. Horrela du izena proiektuak. Bost bideo dira, bakoitza bost minutu ingurukoa. Laburrak bezain mamitsuak. Ikasleei Gerra Zibilean gertatu zena ezagutaraztea da asmoa. Pentsaraztea, sentiaraztea. Ahotsak.eus artxiboan jasotako testigantzetan oinarritu gara. Adierazgarrienak aukeratu dira. Eta bideoak ikasgelan ahotsak.eus webgunean daude orain, interesa duenaren eskura. Guztia irakurri (ahotsak.eus) »»

2015-02-05

“Eta txipa aldatuko bagenu?” Euskararen inguruko aurreiritzi eta jarrerak aldatzeko egitasmo berria jarri du abian Eusko Jaurlaritzak.Umorea erabiliz, euskal hiztunen artean ohikoak izaten diren hainbat egoera azalduko dirawww.aldatutxipa.eus webgunean. Esketxen bidez, zenbait aurreiritziren inguruko gogoeta eragitea da asmoa. Euskal hiztunak esketx horietako batean baino gehiagotan ikusiko du bere burua islatua: txip aldaketa da helburua.Patxi Baztarrika Hizkuntza Politikarako sailburuordeak, eta Jokin Azkue, Euskara Sustatzeko zuzendariak, “eta txipa aldatuko bagenu?” egitasmoa aurkeztu zuten, atzo, 2014-02-12, Donostian. www.aldatutxipa.eus webgunean datozen hilabeteetan azalduko diren esketxen bidez, euskal hiztunen ohiko hainbat egoera eta aurreiritzi islatuko dira. Umorea lagun hartuta, euskararekiko oraindik indarrean diren aurreiritzien gaineko gogoeta eragitea da helburua: txipa aldatzea.Euskal hiztun bati baino gehiagori gertatzen zaio, egunerokoan, beste euskaldun batzuekin euskaraz egin arren, kalean topatzen duen ezezagunari gazteleraz galdetzea automatikoki; edo haurrari euskaraz mintza dadila eskatu, baina bikotekidearekin “gauza serioez” gaztelaniaz egitea; edo euskaraz ikasten ari direnak animatu, baina beraiekin hizkuntza horretan hizketaldi bat izateko pazientziarik izan ez…Egoera hauek eta antzeko beste hamaika azaleratuko ditu “eta txipa aldatuko bagenu?” egitasmoak, umorezko esketxen bidez. Ikusle askok euren burua ikusiko dute ispilu horretan islatuta. Horixe baita helburua: gogoeta eragin, euskaldunen artean euskararekiko jarrera aldaketa erraztu, txip aldaketa bultzatu. Jarrera positiboa eta aktiboa bultzatu nahi du egitasmoak. Aurreiritziak alde batera utzita ahal den guztietan euskaraz jarduteko eskaera, edonorekin, edozein egoeratan. Poziktibity jarrera azken finean. Modu honetan, Eusko Jaurlaritzak indarrean daukan Poziktibity ekimenarekin bat egiten du “eta txipa aldatuko bagenu?” egitasmoak ere.

Webgunea eta esketxak

Aurkeztu den egitasmoak sarean ere abiatu du bere ibilbidea, eta datozen sei hilabeteetan www.aldatutxipa.eus webgunean egongo dira ikusgai aipaturiko esketxak. Atalka-atalka, euskal hiztunen artean oso ohikoak diren egoerak irudikatuko dira. Hona hemen adibide batzuk:

  • Lehen hitza euskaraz: euskal hiztunak egoera guztietan lehen hitza euskaraz egiten al du? Ala aurreiritziz jokatzen du ezezagunaren aurrean? Errealitate honetaz ohartarazten duten zenbait egoera islatzen dira esketxetan
  • Euskaldun berriarekin pazientziarik ez: Euskara ikasten ari direnak gogotsu daude, euren maila hobetu nahi dute eta horretarako inguruneak bilatu nahi dituzte. Euskaldunak nola hartzen du bere ahalegina? Ba al du pazientziarik?
  • Taldean erdaraz batengatik: Oso ohitura zabaldua da, euskaldunon artean, erdarara jotzea taldeko kide batek euskaraz ez dakienean.
  • Haurrari euskaraz eta bikotearekin erdaraz: Seme-alabek erabiltzen duten hizkuntzaren arduradun sentitzen da guraso euskal hiztuna. Baina bikotearekin umeen aurrean erdaraz egiten dugu.

Egoera hauek irudikatzeko umorearen aldeko apustua egin da, kritika hutsak egitea baino hobe baita umorearekin jokatzea. Eraginkorragoa da emaitzatan.

#aldatutxipa

Bestalde, “eta txipa aldatuko bagenu?” egitasmoak sare sozialetan ere oihartzuna izan nahi du. Horregatik, ekimenak herritar guztiak animatu nahi ditu sare sozial eta bestelako bitartekoen bidez, esketx hauen zabalkundean lagun dezaten. Kontzientzia sortzen eta txipa aldatzen laguntzeko beste pauso bat, #aldatutxipa traola izan daiteke. Bestalde, Argia astekariaren Interneteko azal nagusian www.argia.eus ere banner batek deia egingo du, esketxak ikusi eta egitasmoarekin sare sozialetan bat egiteko.

2015-02-05 Santa Ageda eguna bezpera degula eta, nondik ote dator makilarekin lurra jotzeko ohitura hori? Zer esan nahi ote du? Interesa izanez gero, artikulu polit bat gaur jasoa. Santa Ageda bezpera dugu/ Euskal Herriko eguna,/ etxe guztiak kantuz pozteko/ aukeratua duguna. http://www.erabili.eus/zer_berri/muinetik/1422879624 Ondo pasa Santa Ageda bezpera!

2015-01-23 Zer egin behar dut ordenagailuan WhatsApp erabiltzeko? Argibide zehatzak eta argiak, euskaraz Argia.eus-en WhatsApp aplikazioa (egun ia ezinbesteko bihurtu zaiguna) ordenagailurako ere eskuragarri izango dela iragarri dute. Hori lortzeko zer-nola egin behar dugun labur, zehatz eta argi azaltzen du Argia.euseko artikulu honek Zer egin behar dut ordenagailuan WhatsApp erabiltzeko? unnamed 2015-01-16  Maite Goñi, euskal kanten informazioa biltzen duten aplikazioez Euskal kanten inguruko aholkua ekarri digu gaurko saiora Maite Goñi irakasleak. Lehenik, euskal kanten letrak kontsultatzeko aukera ematen duen Kantu Liburuxka apilkazioaz aritu da. Horrez gain,Kantari liburuxka digitalaz ere eman ditu azalpenak Goñik. http://www.gureazblai.com/?tag=aplikazio

2015-01-08 Lehendabizi, URTEBERRI ON DENORI!!! Android terminologia ROM, root, AOSP, Google Play, APK,… Android munduaren inguruan mugitzen garenok hitz ezezagun hauekin topo egin dugu, eta normala da, sistema eragile bakoitzak bere terminologia propioa daukalako. Arlo honetan galduta bazaude, lasai. Hona hemen Android munduaren terminorik erabilienak.

2014-12-15 Euskarazko 13.000 kanta doan entzuteko aukera BADOK aplikazioarekin.

BADOK-en aplikazioa eskuragai dago jada, dohain jaitsita

Euskal musika aldean eraman daiteke gaurtik aurrera Badok-en aplikazioari esker. Dagoeneko eskuragai dago  Google Play eta  Apple Store dendetan. Dohainik deskargatu daiteke. Aplikazioa  Badok Berriaren Euskal Musikaren atariak eskaintzen duen zerbitzua osatzera dator. Badok egokitu egin da eskuko gailuetan erabilgarriago izateko, azken batean, euskarazko musika entzuleengadik eskurago egoteko. http://www.badok.info/musika/badok-en-aplikazioa-eskuragai-dago-jada/

2014-12-04 Euskara, ospeletik eguterara. Hizkuntza zapalkuntzaren memoria. Bideo emanaldia eta solasaldia Legazpiko Kultur etxean, Abenduak 11ean. Egin klik irudian informazioa ikusteko.

Euskara ospeletik eguterara

2014-12-04 Euskararen Egunaren hurrengo egunean: Olazabal Ikastetxean primeran pasatu genuen atzo. Mila esker IKASLE GUZTIEI zuen parte-hartzeagatik, mundial egon zineten ekintza guztietan!!! Eskerrak baita ere irakasle guztiei eta langile ez irakasleei zuen laguntza eta parte-hartzeagatik !!!!

2014-12-02 Legazpiko Kultur Agenda: Euskararen eguna. LEGAZPIKO KULTUR AGENDA_EUSKARAREN EGUNA 2014

2014-11-28 Madarikazioak euskaraz. http://katxonderstan.blogspot.com.es/2014/11/madarikazioak-eta-irainak-euskaraz.html?spref=fb

2014-11-28 Ezin utzi aipatu gabe, abenduaren 3a euskararen nazioarteko eguna dela eta Olazabal ikastetxean ere makina bat gauza prestatu ditugula egun honen ohoretan. Hauxe da prestatu duguna. Egin klik egitaraua ikusteko: 2014 EUSKAREN EGUNA_ EGITARAUA

2014-11-20  Argia.eus-en irakurri dugu berria:

Euskarak gutun bat idatzi digu ARGIAko blog batean eta fenomeno biral bihurtu da.

2014-11-17 Korrika badator. Eta kantari, koloretsu. Beti bezala. Hurrengo urtean izango da Korrikaren 19. edizioa. Urepeletik hasi eta Bilbon bukatzeko. Hona hemen okasiorako prestatu duten bideo koxkor ederra (egin klik irudian). korrika

2014-11-17 Euskararen Egunerako 20.000 hitz entzungarri jarri nahi dituzte sarean Esan Hitz ekimenaren bidez. Euskararen Egunerako 20.000 hitz entzungarri jarri nahi dituzte arean #esanHitz ekimenaren bidez. https://www.youtube.com/watch?v=lnRF5lR3MrA&feature=youtu.be

2014-11-07  Sasiburuk, Barakaldoko euskaldunon elkartea, lehiaketa berri eta sortzaile bat jarri du abian. Baina zertan datza lehiaketa hau? HORMAKIN hitzak, sare sozialetan horma edo muro delakoan maiz itsasten ditugun irudi zein esaldiak dira. Osagai hauek, euskaraz egon ordez, askotan beste hizkuntza batzuetatik kopiatu eta zabaltzen ditugu, gure izaera hobeto islatzen dutelakoan. Gure asmoa joera horri aurre egitea da eta sare sozialetan gero eta mezu eta hormakin gehiago euskaraz sortzea eta zabaltzea. http://zuzeu.eus/2014/11/07/euskarazko-hormakinen-nazioarteko-lehiaketa/

2014-11-07 Euskahaldundu! Korrika 19 euskaraz  https://www.youtube.com/watch?v=M39w5gZAYSg

2014-11-07 Azaroa hazi aroa da. Hazia ereiteko aroa, garaia. Garaian garaiko filosofiari eutsiz, horretara jarri gara gu ere: hazia ereitera. Ikasleekin eguneroko lanean ari gara euskararen hazia ereiten eta gurasoenera iristen eta lankideengana. Euskarak egun bat bakarrik ez, 365 egunak behar dituelako. Ikusi bideoa irudian klik eginda.

365

2014-11-07 Aste honetakoarekin bukatzeko, azaroaren 1ean Luhuson estreinatu zen antzerki baten berri. Dejabu taldeak egina da, eta interes handia sortu da obra honen inguruan, aurreko euren antzezlanak (Gure bide galduak) izan zuen arrakasta kontuan izanda. Aurrerapen bideoa ikusgai duzue hemen, irudian klik eginda. Datak-eta kontsultagai dituzue euren blogean.

arrastoak

2014-10-30 Zea Maysen kantu berria. Ea gustatzen zaizuen. (Egin klik irudian kantua entzuteko).

kantaria

2014-10-24  Liburu gomendagarri bat: (Informazio gehiagorako egin klik irudiaren gainean).

2014-10-22  Festa Kale Zaharrean!!!

KALEZARRA festak kartela III (2)

2014-10-22  Urriaren 25ean, 17:00etatik 18:30etara Danantzako Bolatokian  Bola Jokoa. Oso herri gutxitan mantentzen den jokamoldea dugu, nahiz eta Bola jokua izan gure jolas edo kirolik zaharrenetakoa, eta haur eta gaztetxoentzat erabat ezezeguna dena, baita gazte eta heldu askorentzat ere.

2014-10-18 Euskararen Blog hau estreinatzeko bideo bat: HIZKUNTZA BAT HILTZEN DENEAN izenekoa. (Ikusteko egin klik irudiaren gainean).

HIZKUNTZA BAT HILTZEN DENEAN

2014-10-18 Banden Lehia musika txapelketaren 6. edizioa hasi da! (Ikusteko egin klik irudiaren gainean).

BANDAK