2021-03-03

Olazabal BHIk, 2021ean ere, Lilaton ekitaldiarekin bat egiten du. Ekitaldi honekin gizon eta emakumeen arteko BERDINTASUNA aldarrikatu eta bultzatu nahi du. Emakumearen protagonismoa funtzeskoa da desberdintasuna desagertaratzeko borrokan.
Aurtengo edizioan Olazabal BHIko emakumezko berrogeita bost ikasle eta irakasle izango dira Lilaton birtual honetan parte hartuko dutenak.
Denok oihukatu behar dugu inoiz baino ozenago, GORA LILATON, AURTEN ERE ON!

2021-02-26

Martxoaren 8ko kanpainaren leloa “Nork zaintzen du? Jar dezagun agerian. Egin dezagun dagokiguna” da eta zaintza-lanak ikusarazteko, baloratzeko eta gizarte osoaren artean banatzeko beharra azpimarratzen du.

Kanpainak zaintzarekin lotutako funtsezko hiru alderdi azpimarratzen ditu. Alde batetik, agerian uzten du zaintza-lenen ikusezintasuna, eta ikusezintasun hori grafikoki iradokitzen da zaintzarekin lotutako elementuak agertuz, ondoan inor agertu gabe. Bestalde, azpimarratzen du zaintza-lanak baloratu behar direla, bai ordainduak bai ordaindu gabeak. Eta, azkenik, erantzunkidetasuna azpimarratzen du: zaintza-lanak emakumeen eta gizonen, erakundeen eta gizarte osoaren artean banatu behar direla.

Zaintza erdigunean jartzeko beharra feminismoaren aldarrikapen handienetako bat da, eta, era berean, zaintza horiek balioesteko eta modu orekatuan banatzeko beharra hainbat esparru programatikotan jasotako helburua da, hala nola, Nazio Batuek sustatutako Garapen Jasangarrirako 2030 Agendan edo EAEko Emakumeen eta Gizonen Berdintasunerako Planean bertan, besteak beste.

Hala, Garapen Jasangarrirako 2030 Agendaren 5.4. puntuan, botere publikoei eskatzen zaie “ordaindu gabeko zaintzak eta etxeko lanak aitortzeko eta baloratzeko”.

Halaber, Emakumeen eta Gizonen Berdintasunerako VII. Planean esaten da: “Zainketa-lanen hornidura Estatuaren, merkatuaren, familien eta gizarte zibilaren artean birbanatuko duen gizarte-antolaketa berri bat behar da. Horrek esan nahi du zaintza-lanak ez dituztela modu naturalean beren gain hartu behar emakumeek “.

Kanpainak kartelak, irrati-iragarkiak, bannerrak eta telebistako spot bat izango ditu eta otsailaren 24tik martxoaren 9ra bitartean egingo da kanpoko euskarrietan, komunikabideetan eta sare sozialetan. Gainera, kartelak bidali dira erakundeetara, ikastetxeetara, osasun-zentroetara, elkarteetara, enpresetara, kultura-zentroetara eta liburutegietara.

+ info   https://www.emakunde.euskadi.eus

2020-12-22

Gabon oporrak abenduaren 23tik- Urtarrilarren 6ra (biak barne) izango dira. Tarte honetan ikastetxea itxita egongo da.

2020-03-13
Hezkuntza-komunitateko kide agurgarriok:
COVID-19 koronabirusak EAEko lurralde osoan izandako aurrerapenaren aurrean, eta Eusko Jaurlaritzako Osasun Sailaren jarraibideei jarraituz, zirkular honen bidez jakinarazten dizuegu Euskal Autonomia Erkidegoko ikastetxe guztien eskola-jarduera presentziala aldi baterako eteteko hartutako erabakiaren berri.
Etenaldi horrek 15 eguneko iraupena izango du bihartik aurrera, martxoaren 13tik aurrera.
Ondorioz, bertan behera geratzen da Arabako, Bizkaiko eta Gipuzkoako hiru lurralde historikoetako ikastetxeetan aurrez aurreko eskola-jarduera guztia, bai eta Haurreskolak Partzuergoaren mendeko haur eskoletan ere.
Nolanahi ere, eskola-jardueraren aldi baterako etenaldia ez da eskola-jardueraren etenalditzat hartu behar; aitzitik, ahalegina egin behar dugu ikasleek egunero etxean ikasteko ohiturari eutsi diezaioten. Horregatik, ikastetxeetako langileak beren ohiko ordutegian egotea erabaki da.
Aldi horretan, irakasleei dagokie material didaktikoa prestatzea eta ikasleen eskura jartzea, ahal den neurrian, modu ez-presentzialean lan egiten jarraitu ahal izan dezaten. Horretarako, Sailak alderdi horiek argitzeko instrukzioa emango du.
Horrez gain, Osasun Sailak gomendatzen du, nahiz eta ikasleek etxeko bizitza normala egin dezaketen, ahal den neurrian saihestu dezatela taldeko jarduerak egiten diren esparru itxietan egotea. Era berean, osasun-agintarien gomendioak betetzeko eskatzen dizuegu, hartutako neurriek birusa kontrolatzen lagunduko dutelakoan.
Ikasleekin edo irakasleekin egiten diren mota guztietako irteerei dagokienez, Osasun Sailaren jarraibideak bete behar dira. Une honetan horiek saihestea gomendatzen du Sail horrek.
Ikastetxeek zabalik izango dituzte familiekin komunikatzeko ohiko bideak, horri buruzko informazio eguneratu guztia helarazteko.

Informazio eguneratua eta jarraibide operatibo gehigarriak izateko, sailaren webgunearen barruan atalbat gaitu da, gomendioak eta mezu berriak aldizka helarazteko

https://www.euskadi.eus/koronabirusari-buruzko-informazioa/web01-s2hhome/eu/

Hezkuntza-komunitateko kide guztien erantzunkidetasuna eskatzen dugu, salbuespenezko eta ezohiko aldi hau behar bezala kudeatzeko,aldi berean,lankidetzaere eskertzen dugularik.Adeitasunez

 

2020-02-20

Olazabaleko DBH-1eko ikasleek gosari osasuntsua izeneko programan parte hartu dute. Gosaldu baino lehen, Osasun zentroko arduradunarekin eta pediatraren erizainarekin solasaldi bat izan dute ikasleek, gosaltzeak eta ondo gosaltzeak duen garrantziaz jabetu daitezen.Gosaldu ondoren, galderak eta zalantzak argitzeko tartea izan dute.

Legazpiko udalak gosarirako produktuak jarri ditu. Herriko merkatariekin eta Bertatik Bertara ekimenarekin bat eginez,  hainbat produktu eskaini ditu. Horrela Legazpiko Makatza baserriko ogia, Urretxuko Agerre baserriko yogurrak, Itsasoko Haristizabal baserriko sagarrak eta Itsasoko Urkulegi baserriko intxaurrak jarriko ditu. Baita mandarina ekologikoak ere.

Legazpiko nerabeen komunitate-esparruko esku-hartze programa

Gosari osasuntsua Legazpiko nerabeen komunitate-esparruko esku-hartze programa-ren barruan kokatzen da.

Osasun, Hezkuntza eta Udaleko hainbat ordezkariz osatutako lantaldea dugu Legazpin, batetik, bakoitzak bere esparruan zer egiten zuen jakiteko eta elkar ezagutzeko; eta bestetik, komunitatearen ohiturak aldatzeko eta osasuna hobetzeko.

Labur esanda, programaren helburu nagusiak honakoak dira:

  • Nerabeen artean osasun maila hobetzea, norberaren osasuna kudeatuz.
  • Ohitura eta portaera osasungarriak sustatzea nerabeen artean.
  • Toki-eremuan koordinazio maila hobetzea, nerabeen osasuna sustatzen ari diren erakundeen artean. Hau da: Hezkuntza-sistema (ikastetxeak), Udala (Gizarte Zerbitzuak eta Gazteria Zerbitzua) eta Osasun-sistema (Osasun Zentroa eta Eusko Jaurlaritzako Osasun Publikoa saila).

Hau da, programaren bidez, nerabeekin esku hartu nahi dugu, eta haiei behar diren tresnak eskaini nahi die, osasuntsu bizitzeko erabaki zuzenak har ditzaten bai banaka bai familian.

 Ekitaldiaren argazkiak webgune honetako AZKEN ARGAZKIAK atalean ikus ditzakezu.

https://www.legazpi.eus/albisteak/item/5192-gosari-osasuntsua-dbh1eko-ikasleekin  tik moldatua

 

2020-02-14

https://forms.gle/qCRgtdTqCD4kNHJN7

otsailaren 19, asteazkena, eguerdiko 12ak baino lehen.

 

2020-02-13

Orrialde honetako “azken bideoan” atalean  ikus ditzakezu lehiaketara aurkeztu diren lanak.

Aurkeztutako lanetaz disfrutatu ondoren, eman zure botoa hurrengo  loturan klikatuz otsailaren 19, asteazkena, eguerdiko 12ak baino lehen.

https://forms.gle/qCRgtdTqCD4kNHJN7

2019-12-18

Promesa gaztea Mario Gallegori gailendu zaio Kukue tabernan jokatutako lehen xake txapelketan. | Santikutz klubak txapelketaren balorazio ona egin du eta  Kukue tabernari eskerrak eman dizkio txapelketa ospatzeko izan duen prestutasunagatik

 CRISTINA LIMIA  (Diario vasco. 2019ko abenduaren 18, asteazkena)        * Erredakzioan itzulia

Markel Vesga gaztea Kukue tabernan ospatu den lehen xake torneoko  txapelduna izan da. Finala  igandean jokatu zen. Bi une oso ezberdinetan  bata heldutasun betean eta bestea loraldi gozoan) dauden bi jokalarien arteko lehia interesgarria eskaini zuten. Taularen alde banatan Santikutz xake klubeko kide bat zegoen, Mario Gallego beteranoa eta aipatutako Markel Vesga. Biak ziren faborito urriaren erdialdean torneoa hasi zenetik. Bi jokalariak aurreko fase batetan ere elkarren aurka aritu ziren, Mario Gallego garaile atera zen orduan.

 Igandean aldiz, gauzak aldatu ziren, jokalariko ordubeterako partidan,  Markel gazteak, hamahiru urterekin Mario bezalako jokalari ospetsu baten jakinduria eta sendotasunari aurre egin behar baitzion. “Finala oso lehiatua izan zen, lehen partidan Markelek zuriekin jokatu zuen eta Mariok beltzekin, borroka gogor baten ondoren, berdinketarekin amaitu zen.

Desenpatea jokalari bakoitzeko 15 minutura bigarren partida jokatu zuten. “Kasu honetan, Mario zuriekin eta Markel beltzekin”, esan dute bertaratutakoek. “Baina bigarren partida honetan emaitza ere berdinketarena izan zen! Beraz, hirugarren partida bat jokatu behar izan zuten, jokalari bakoitzeko 5 minutura, eta Markel gazteak garaipena lortu zuen “, azaldu dute. Era berean, Asier Imazek Alberto Vesga garaitu zuen hirugarren sailkatuaren partidan, eta Dani Garciak Juan Carlos Ramirez hartu zuen mendean , federatu gabeko partidan.

 

 

 

 

Markel Vesga (ganador del torneo), Asier Imaz (3º), Mario Gallego (2º), Juan Carlos Ramírez (2º no federado) y Dani García (1º no federado).

 

2019-12-02

Abenduaren 3 _ EUSKARAREN EGUNA

11:00k arte: klaseak normaltasunez.

11:00-11:30: Trikiti-festa eta Txistorra-dastaketa.

11:30-12:30: Aretoan Euskal Abestiak eta Lelo Txapelketa. Ondoren, sari banaketa.

12:30-14:15: Patioan Euskal” Photocall”a, Euskal Kirol Txapelketa (lokotx-bilketa eta sokatira). Bukaeran, sari banaketa.

Denok primeran pasatuko dugulakoan,

EUSKARA BATZORDEA

2019-11-29

Jakizue guztiok ZERGATIK ospatzen dugun azaroaren 25a:
1981ean deklaratu zuten Emakumeenganako indarkeriaren aurkako Nazioarteko Eguna, Bogotan, Kolonbian, izan zen Latinoamerikako lehenengo topaketa batean. Topaketa horretan, gizarteko eremu guztietako genero-indarkeria salatu zuten emakumeek, eta, era berean, etxeko tratu txarrak eta erailketak, bortxaketak, sexu-jazarpena eta emakumeenganako indarkeria oro har. 

Mirabal ahizpen asasinatzea ez ahazteko aukeratu zuten egun hori. 1960ko azaroaren 25ean Trujillo diktadorearen polizia sekretuak hil zituen hiru ekintzaile horiek Dominikar Errepublikan.

1999an Nazio Batuen Erakundeko Biltzar Nagusiak egun hori ospatzea eta nazioarteko eguna izatea erabaki zuen emakumeen aurkako indarkeria salatzeko eta desagerrarazteko helburuarekin.

Emakumeenganako indarkeria gizartearen gaitz bat da, eta haren jatorria gizonezkoen eta emakumezkoen artean islatzen den desberdintasun- eta botere-harremanetan dago.
Guk, irmoki ARBUIATZEN dugu emakumeen aurkako edozein indarkeria-ekintza, fisikoa nahiz psikologikoa, sexuala nahiz eguneroko keinuena (mikromatxismoak), emakumeen oinarrizko eskubideak eta askatasunak urratzen baitira.

Indarkeriaren justifikazioarekin AMAITU nahi dugu (maitasuna, babesa, kontrola…), eta salatzera eta biktimen babesa bermatzen duten tresna guztiak erabiltzera animatzen dugu.

Sektore guztietan ESKUBIDE- eta AUKERA-BERDINTASUNA eskatzen dugu: hezkuntzan, lan eremuan, gizartean… Izan ere, arazo honek gizarte osoa ukitzen du, eta beraz, lan egin beharra dago heziketan, prebentzioan, sentsibilizazioan…

Adierazten dugu egungo GENERO-ESTEREOTIPOEK baldintzatu egiten dutela Emakumezko eta Gizonezko garen aldetik daukagun askatasuna, eta guztion artean eredu positiboak berreraikitzera animatzen dugu.

OLAZABAL BHI-ak KONPROMISOA HARTZEN DU, berdintasunaren alde eta emakumeenganako indarkeriaren aurka jarduteko. Horrez gainera, neska gazteek eta nerabeek jasaten duten indarkerian arreta berezia jarriko dugu, beldurrik gabe bizitzeko eta indarkeriaren aurrean geure burua defendatzeko.

Olazabal BHI
telefonoa943 89 92 13
helbidea
San Martin Auzoa 16, 20230 Legazpi
  • Kokapena
    Lege oharra | Pribatutasun politika | Cookie Politika